Glæsileg einbýli með sundlaug og kjallara í Santa Rosalía Life and Lake Resort

Einstakar eignir í hinu frábæra Santa Rosalia Lake & Life Resort, á Costa Cálida. Um er að ræða sérstakt íbúahverfi sem byggt er í kringum manngert, kristaltært vatn. Hverfi sem er hannað sem sumarleyfisstaður, með ýmis konar aðstöðu og tómstundum fyrir íbúana, eins og strandarklúbb, bryggju fyrir vatnaíþróttir, minigolf, hjólreiðar, blakbolta, jóga o.s.frv. Hverfið er afgirt, með öryggisgæslu allan sólarhringinn svo næði er að fullu tryggt. Nálægasta þorpið er Los Alcázares í innan við tíu mínútna fjarlægð, þar sem finna má úrval þjónustu og þæginda, svo talað sé nú um dásamlegar strendurnar. Frábært vegakerfi gefur kost á að komast auðveldlega til borga á svæðinu, eins og Murcia á 40 mínútum, Cartagena á 25 mínútum og Alicante á rúmum klukkutíma.

Í boði eru mismunandi einbýli á einni hæð, með þremur svefnherbergjum, tveimur baðherbegjum, þakverönd og kjallara. Eignin er í laginu eins og L, sem tryggir hagkvæma tengingu á milli dag- og svefnrýmis. Rúmgott dagrýmið samanstendur af nútímalegu eldhúsi, borðstofu og stofu í opnu rými, þaðan sem gengið er í garðinn, á pallinn og að sundlaug. Hjónaherbergi með sérbaðherbergi, hin svefnherbergin og sameiginlegt baðherbergi snúa einnig að garðinum. Þakveröndin er með útieldhúsi, svo þar er að finna fullkomið rými til að njóta Miðjarðarhafsveðurs allan daginn.  Fallegur garður með gervigrasi, trjám og Miðjarðarhafsgróðri er umhverfis húsið.

Eignirnar bjóða upp á að lokafrágangur sé sérsniðinn að þörfum eiganda, öll húsin eru með loftræstingu, heimilistækjum, ytri og innri lýsingu, sólarpanelum, vökvunarkerfi og hálf yfirbyggðu bílastæði með hleðslustöð fyrir rafbíla.

Gegn greiðslu er mögulegt að breyta kjallaranum í séríbúð, leikjasal, kvikmyndasal, vínkjallara, leikfimisal eða hvað það sem kemur til hugar. Aðrir valkostir geta verið gólfhiti á baðherbergjum eða í öllu húsinu, sundlaug með sérstakri hönnun o. s. frv.